Parau no te mau 'à'ai
Eaha te mana'o mai te peu e 'aitaui tatou ....Noatu eaha eaha.
Parmi les différentes ''versions'' de la légende du Tiare Apetahi,
En voici une,modernisée,romancée
Le texte a été rédigé pour un concours (fête du Tiare)
Malheureusement,les acteurs n'avaient que 1h pour répéter
et en plus,ils ne parlaient pas bien le Tahitien :
iaaaaaaaaa!!!! méchant le gag, fous rires avec le jury
Dommage,à mon avis,le Roi Tamatoa et sa dulcinée Tiaitau méritent mieux,
Na outou e hi'o e ua au anei outou aore ra aita
Titau hia e tai'o hope roa,e horo'a atu ai te mana'o
Faariiraa Manava ...ia ora....E te Tomite e ....A TOMO MAI ....
Hava'i i te vai uri rau
Na o Temehani te tara ni'a...
E tû i te rai atea...
Tau epa rima hii...
Temehani Ave arii i te hiti raa Mahana
Temehani Ura i te topa raa mahana
Te pihaa ra ..o Vaihi
Tei faa ruperupe o na tuhaa
tae atu i te auaha pape no Faatemu
...................................................................................
Présentation E te tomite e....No reira mai tetahi 'api no te a'amu o te arii Tamatoa....
Oia...i faa oto ...o tei here tuutuu ore ia na ....
Te vahine ra o Tiaitau ...
Ua tia'i ... ua tia'i...
No te here ...Ua Apetahi...
....................................................................................
L'histoire I Hava'i i te ra'i atea
Ua ineine te vaa tama'i o te arii Tamatoa
No te fano i Tahiti i te ra'i mare'are'a.....
I te ta'irururaa Nuu toa ...e te vaa mata'einaa...
No te aroraa rahi Fei-Pi
No Tiaitau...Oia te here o te arii Tamatoa.....
Ua hefahefa te mata
i te hi'o raa atu i te rahi o te feia apee...
A Pii ra te arii.....
Ua tauahi....mai te tauahi hope'a...
E te poroi here a Tamatoa....
''E tere nui teie...A ti'aturi mai...''
E ua pahono o Tiaitau :
''Mau te haari i to apu rima....I Temehani ave arii e parahi ai...
Tia'i noa atu ai i Apoo Hihi Ura .....
ia ho'i mai oe ta'u here...
Mai Apoo hihi ura ...E tere teie haari na raro i te fenua ...
E matara mai na te pihaa o Piha Ura....
E na muri noa atu ia oe....
E....Ia poiha noa atu...A rave...a patia ...a ote
Ma te mana'o e ...O vau...''
Mai reira...ua faa atea nau tino nei...
Titau atura o Tiaitau ia tae roa i te tua aivi no Temehani...
I te ana Torea i te tâmarûraa ...
Po'ipo'i a 'ae...Tei te tahua no Tarei oia....
mataitai ia Taputapuatea e tae noa atu i te ava mo'a ...
Ma te ore e huna te manava aroha...
''Aue ...te anapa hoe i te hu'a miti.....Ta'u here e ....''
I to haere'a....tae atura i Vaiumete......Hopuhopu te vai tâmà ia tino....
E ua paiuma roa i Apoo Hihi Ura e tàora te haari ....
Ia au tana parau i Fa'a àu...
Te nevaraa i Taputapuatea.....
Ua atea roa te vaa tama'i o Tamatoa....
Tauhanihani na mara'ai ...
Ini'a i Temehani....
Reo oto â no Tiaitau :
''Aue....Te anapa hoe i te hu'a miti....
Te tuitui moana nei to oe vaa...
Te otu'itu'i nei to'u mafatu...
Ape tahi oe ia 'u....
Te patia nei ia to'u rima i roto ia Temehani....
E na to roimata e faa haumaru ia na ...
ia tiare to rima ....
ia ape tahi to rima....
Ape tahi tei poa'a i te a'ahiata....
Tamau te hau'a rii au
ia ho'i mai ta'u Tamatoa here...''
Mai reira...No tona oto rahi....
Ua faatopa o Tiaitau ia na i roto ia Apoo Hihi Ura...
Aita i noa'a i te fa'a'oroma'i...
Ua tia'i .... Ua tia'i.....
No te here....
Ua Apetahi.....
Papa'i mai ra
Màuruuru
Auteur